下町ロケット

其實無睇好多集，最主要睇是因為果陣剛出文庫本時買了， 想看看電視拍成怎樣 (半沢甚麼又沒有興趣)，而且阿部ちゃん也外表不錯，結婚できない男雖然沒看，不過聽聞他演技也好...

結果看了第一集，eh...怎麼不覺演技好？而且劇集的拍攝方法嘛，其中有一幕是社長出現，好像摩西過紅海 (不止我覺得，2ch也是這樣笑)，帝国重工很大也不是這樣表現吧。害我拿回書看，咦，不是這樣啊

算，不是重點。重點是看完之後，吉川さんのオーラ…すごいっすわ 

はんこ

真係唔講唔知
原來家陣D 印台同D 墨咁方便
有好似唇膏咁既支裝，直接塗上印既不同部分 (!)
又有印台一排唔同色，好容易就做到漸變咁

嘩....
一段時間之前有同學present 手作印 (用擦膠雕刻)
手工差的我當然聽聽就算
原來有些自家作也仔細得很，連星圖那類也弄出來

那年讀みどりのゆび，雖然文章我覺得一般，但裏面有段印象深刻，話說主人公想去學花藝以此為職業，中間她祖母說過有心の余裕才會有心情去使家更漂亮，才會買花去裝飾家居。當然，有這種空間才會去想怎樣令自己生活環境更「舒適」，這個舒適不止是日常上下班坐的交通工具，而是自身的舒適，例如在辦公室多些點綴，上班時聽音樂等等....

ツキネコ

手作熱

最近搵上左個手作網站
嘩，發現新大陸呀
好多野想買 Orz
而且價錢合理
運費又唔貴 (唔駛下下買少少野都幾百yen)
仲有D 人又好

好似我想買個紙巾盒，咁原先佢做果D 係日本紙巾，香港果D個盒唔知點解高左D
咁走去問佢，佢話可以做，仲問邊款布arm
咁arm想要既布款唔夠，佢仲走去舖頭影一堆相黎睇下有冇邊款arm
揀左喇佢仲要試做個盒黎睇下arm 唔arm放
仲要做好我望完先俾錢 (唔arm心水可以唔買)

嘩你話D咁nice既香港邊度搵
仲要平過市販品

香港D手作野好__貴囉

如何搞好聆聽 (1)

聆聽
日文聆聽係咪特別難呢？
都唔係丫
我覺得易聽過德文好多
初學任何語言，最困擾的肯定是聽來聽去也聽不明別人說甚麼 (不是上課，是真實對話)
日文當然會有，初時插班進講座，聆聽部分一下子難了很多，完全不懂
當然後來不是因為課堂，是自己課外接觸「大量」日文
不過如果平時不碰日文的話 (其實都係果句，無人一聽就識既，對有興趣既野聽多幾次就得啦)
有一個捷徑

「漢字」

其實口語中日本人也用很多漢字詞語，當名詞動詞用
但很多人為甚麼聽不到？因為漢字發音跟中文有分別囉
看書，就算日文不是很好 (不是不懂，起碼學過幾年之流) 也總能看明白七八成
為甚麼聽就不行？
因為那堆漢字你沒聽懂囉。看書的漢字一睇就明嘛
不信的話不妨試試找篇無關重要的日文，讀一次？
漢字你有"click"住嘛？有不懂怎麼讀嘛？
搞好漢字讀音，日文聆聽事半功倍

旅行後感

有唔少人問，好唔好玩呀？
咦，今次既感想無「好玩」兩個字添...唔知要點答
因為又唔係去玩，當然無「好」定「唔好」
要講只可以話，啊，今次D 相影得唔錯，見到好多動物，要買既野算買到，去左邊度邊度，等等
感想就係咁喇。

又問，D yen平左有冇買得好開心？
下，乜關事既咩？
我睇價錢都唔係睇港紙架啦，乜都係睇yen價，所以唔會因為匯率跌左駛多左喎，要用既都係要用，要買既就要買，唔會因為件10000 yen既野以前係$8XX，而家$6XX 就買/唔買喎，10000 yen，買就俾錢，唔買就唔買，完。

不過咁，今次係駛多左既...因為下下都無簽卡但仍然駛凸左

又另外，又終於發現點解自己見人租車同下下打的不喜歡的原因。因為呢，呢個絕對唔係自己鐘意既旅行方式。鬼唔知好方便咩，鬼唔知自己去拖住行李走上走落D 地鐵仲成日無escalator辛苦咩。只不過你無去坐過果D，你知唔知自己去過咩地方，個地方點去呢？去完返黎對果個地方既知識丁dur都無增長到，咁你去黎做咩呢。我筧得其實不論平貴，下下都用D 咁方便既交通工具，自己一D腦都唔駛用，又唔駛睇時間又唔駛趕車，hea得濟啦。旅行就係要咁辛苦下先有D得著，何況一般人都唔會辛苦得去邊，唔似我咁我就真係辛苦喇...我都唔明D人可以七日都留係一個地方，又唔係之前未去過，唔悶既咩？

難怪我次次去旅行總係有D壓力...

cafe

一路都唔係好明，點解去外國既cafe可以放鬆，係香港就好似同人打仗咁，又嘈又盛呢...
後尾就發現個問題所在...
妖，D人講野"mak"大喉嚨講野囉
鬼佬又係本地人又係

係外國，不論係咩地方，無論人多人少，都無人大聲講野，咁把聲咁大就自然唔嘈啦
原來就係咁既原因...

西班牙...

又係西班牙。型過求其貼張係人都影過既日本星仔啦...

ダメ人間

都唔計個本人有幾無「料」(不是免費那個「無料」)
又唔努力
見人地得左又走去妒忌/恨...之類
點解一開始自己唔放多D時間落去呢
真係唔明

7以下喇！

講真，唔想D yen咁平
多左勁多無離la gan既友同我爭機票去到周圍都又廣東話又國語囉

而且yen 平定貴，要洗既錢都一樣咁多← (這是重點)
又唔會因為yen 平駛多D，亦唔會因為貴就駛少D←
要駛既就要駛，要買既就要買...

独り言

我諗我寫野真係好撩交打囉...

日能

雖然話我寫這個題目好似有點那個 (日文裏面都有架，アレ)，大概會俾人覺得我撩交鬧，但係都真係想寫下....
就係某能力試N1...話說果日上堂講起，班上大部分人唔係唔敢考 (!) 就係考極都肥 (!!)，聽到之後真係Σ(っﾟДﾟ；)っ
嘩大大話話學左日文咁多年...仲要係公認最正宗 (?)既學校出黎都搞成咁...真係呢 (事實上係我覺得我同呢D人一齊上堂好失禮)，連老師有時懶講下日文笑話都聽唔明 ε=(･д･｀*)ﾊｧ…
當然，我諗無論係咩學校學，「淨係」靠上堂一定考唔到 (你又唔係上日能N1對策班，上緊普通日文堂之嘛，又無寫包單內容一定同個試有關)。但係學左咁耐，唔多唔少自己都得閒會上下日文網，聽下日文咁掛...咁當然，你考咩試都好，書都要溫下，past paper (雖然係舊野)都要做下掛，連D咁低限度既努力都唔付出，除非你真係天才，但天才完全唔掂其他野齋靠上堂一樣唔得囉... (因為個範圍咁大，上堂又唔係教果D)。更何況年紀有返咁上下，學語文無以前咁易。
講真，唔少人都諗住打天才波走入去考...本身日文又唔係好，平時又唔係睇得明聽得明，學左幾年咁就諗住去考，都真係發緊夢。雖則我仍然覺得讀解同聽解唔算好難，但以果D人既水平，跌唔落19以下都偷笑...
其實而家N1，文法同語彙放埋一齊，再加聆聽同讀解，真係有得鋤既都只係文法同語彙呢部分 (即係成分卷三分之一)，至於聆聽讀解，呢D要浸既亦唔係話你一朝一夕就可以考得好好....但係呢，亦正因為呢D係無得溫既實用系技能，反而要平時睇多D聽多D (即係咁，日劇係唔計既)，文型生字又唔係舊制做晒past paper實識，果D就順其自然 (我又要講我想話我自己溫晒本N1 詞彙但到最後，果 part 一樣唔識，其實果D N1大陸書都係時候要換新版，而家N1 D字難咁多)，反而真係自己睇多D聽多D先最實際...
所以話事實上你平時有睇開書有聽開收音機 (真係要去明果D啦)，唔駛特登鋤文法語彙都合格到 (前題係你果 part 唔好跌落合格線既19以下)。至於平時碰都唔碰既呢，算啦，你俾幾舊水食餐好既唔好side埋D無謂錢年年挑戰好喇。
又有人話，「我睇完聽完都唔明喎！」哦，咁第一次睇唔明都好正常，睇多幾次聽多幾次囉。我都話我一開始睇小說果陣，純粹係因為果本野得一個人自己譯，慢到不如自己睇原文...雖則果本對果時既我黎講係超高難度 (又厚人物又多講既野又複雜又講歷史又西又日)，咁你堅持落去 (係無得唔堅持，但如果有公司肯做晨早出晒中文版我就未必堅持了)，咁樣而家出左咁多本，但係中文仍然係譯得超慢，真係自己學仲快...收音機又係，邊有人咁得閒幫你譯埋(有得聽都偷笑)，咁你要聽你緊係自己努力啦...
學日文，唔係淨係為左考個試囉。相反，係你為左要達成某D目標不斷努力，個試只係中途証明你達到某程度既證明，咁會唔會易D？