小說

啊，終於睇完

係左邊果本。

雖然睇得比想像中耐，但真係唔錯

如果當年D歷史書有寫到咁有趣我實好高分....

講開又講

小說，上手下手唔評論，但容唔容易睇真係好緊要

大佬有D真係睇極都唔想睇，但好似呢本永遠の０睇得相對地快 (以一個咁沉重既題材黎講)

呢個好明顯係作者問題，好似我近來想買既jeffrey archer...download左sample 望，睇得勁快，果陣lord of the rings 就真係苦痛既回憶...寫「史詩式巨著」都可以分到好睇同好難睇.....

右邊果本？其實都唔駛睇好耐 (已經睇左大半)，不過重有唔知幾多本等緊....

買物

我又黎寫呢樣野
就係有野係俾錢都買唔到

其實都arm唔晒，因為出面的確有人放
不過價錢離晒大譜
從正途又已經買唔到既時候
咁係硬食定仲係話「有錢都買唔到」呢？

啊，我都唔知
係商売上，當然係以果個價格既人全部都買到既生產最合適 (其實係經濟)
而家係有價無市
生產不足
買賣相方都只係蝕本
日本人鐘意講「難民」
買唔到某某限定版就係乜乜難民
諗落又唔係唔arm...

啊...啊...
算，呢排叫有少少好消息衝淡下

目標

如果要講學日文既最終目標，而家肯定係仍然未夠
唉，仲要繼續努力
鬼唔想開口就似native，聽又全部聽到晒咩
我而家又無咁既野心
新聞果D係弱，講真果D地名，真係睇字同聽係兩回事
咁我又唔係要咩果D，是但啦，唔識就算  (係架，到而家聽新聞都仲係好弱)
咁我想聽既野聽得明就得啦
但係重點係未明得晒，所以真係要講句「繼續努力」
唔...

用字

身為中文人，由細到大睇中文學中文字，到而家學日文見到一樣係「中文字」(嚴格黎講其實唔同啦)但用法又唔同，個感覺係奇怪，有時候仲未習慣

例如係中文裏面比較俗既動作，用日文漢字，雖然意思一樣，但感覺會完全唔同
好似頭髮，總係要叫髪の毛
剪指甲係，手の爪（？）切れ
唔駛問，腳甲就係足の爪 (雖然感覺上似動物...)
刷牙 -> 歯を磨く

有時睇唔慣睇返，會覺得日文中用漢字既排列方法更有美感 (?)

火滾

真係火都滾囉
你唔識就唔好譯啦大佬
搞到我要執餐懵既
係，呢D小眾野係要靠D有志自己做
但都唔係唔識既無啦啦走去亂黎掛
翻譯呢家野，我都唔求你用字優美文字簡潔
最基本都要意思正確掛
大佬，乜乜ず全部譯晒做+ve...呢D咁簡單既文形都唔識既素人真係唔該晒

不嬲都話我唔想譯歌詞，因為我覺得自己中文唔好
唔可以好精準地用最優美既字表達到佢原本既意思
唔同譯一篇實用文章，講個意思容易D
但點解有人咁唔知醜求其又走去譯
識幾粒字就唔好亂搞啦，文形識幾多個呀大佬
你唔怕失禮街坊自己收埋就算
拎出黎錯晒既咁點呢

同埋另一樣野係歌詞無頭無尾
好多時省略左個主語
但睇佢用咩動詞就知係講邊個
好似たい基本上一定係講自己想做咩...
呢D學耐D都唔會錯啦啊嘛

結論係我仲係好火滾...

やった！

尋日值得紀念
一係我終於收到想買好耐既書
仲要係全新
之前D中古價位去到5000 yen 以上....
明明話係翻印都唔見有得賣既？
打開呢本望下，又真係今年新版喎
話翻印，翻到周圍都無架
記念すべき
うん

小說

近來間唔中買下日文小說 (頻率用日文形容係ちょこちょこ)。新書版一般唔買，只會等文庫，有咪睇無就等咁囉。
下町ロケット

(要留意個作者姓池井戸而唔係池井...)

上次去日本時佢出左文庫版無耐，本來我對佢既書無乜興趣 (半沢直樹我都無睇)，不過見吹得咁行，個題材又好似幾有趣咁就買啦，結果又真係唔錯喎...雖然有D位會覺得個故事走向有D不合理...

想當年日劇紅透既原因都係因為故事緊湊製作認真，拍賽車就真係賽車，拍意大利餐廳廚師就真係圍繞果度黎講，唔似得tbb掛羊頭賣狗肉，拍咩題材到最後都係愛情片...又唔似得近年既日劇咁，拍咩出黎連最基本既邏輯都唔arm....

所以睇日文小說都可以睇到好唔同既內容之餘人地做資料搜集又認真，又學到好多野...你睇香港小說有無咁多種類？全部都係愛情小說 ()

青春系小說亦好多，好似：

(因為Kindle特價先買)

(係某年本屋大賞既第一)

係邊度睇到佢係四大青春系小說之一

講食既：

唔知點解會被歸類為ミステリー.

唔....

大場細場

福山大叔哥來港開show，開個會展真係細到無人有，人地平時日本開Dome，坐幾萬人，一個會展仔喎。如果開海外黎香港香港人真係賺晒，如果佢夠紅就係啦下，反正而家都係得D整容國明星走黎開arena多.....講返日本，好似某歌手又係平時開開dome，去台灣走去legacy，搶到飛真係恨死隔離，喊到收唔到聲喇。好在佢唔係我杯茶，唔會恨。

香港暫時最大都係紅館，萬幾人，不過小的睇過大大小小演唱會，講花臣香港固然多，但講本業既音樂呢就...

時間表示

睇返自己某blog，居然被自己寫的野嚇倒...嘩，好驚
真係嚇左一跳
果D俾人見到真係唔得掂

啊，講起睇到Kindle版講時間設定，D人問點樣set 24小時時間制，原來係用左英文介面就無得set....有人話美國人唔識睇24小時，話係軍事上先會用。講一講，諗返起當年係美國時我戴電子錶係24小時，俾人見到嚇親人，佢地又係話係軍事上先會用...噢，係咪美國人加減數太差所以平時唔用？

如果日本唔常用24小時都幾麻煩，果D深夜節目呢，24:00-24:25之類，真係簡單易明，又唔會搞錯究竟係當晚定第二晚。仲誇張既我都見過，係24:00 - 30:00 wwwwww

銭湯

今日和長輩吃餐，進餐時看到電視正映着Obama和安倍握手，長輩突然罵聲連連，不止日本當然不去，更說不會買日貨只買韓貨云云...
唔....(當然唔講自己學日文...不過咁，學唔代表識既，好多人都學左好耐，咪一樣係....htks)
嘛，想講唔係呢樣....
剛剛睇到報紙...
東京の銭湯「半減」の危機…廃業検討４５％
睇書或日文份份報紙不論編排，內容都差唔多，唔知大家有冇睇過，睇親總係有D 奇怪/慘既新聞...
又，上次去日本時攞既呢張，又係講錢湯少左人去，要介紹....

溫泉我就浸過，但錢湯就真係未....無啦啦點會走出街搵個地方沖涼... 
唔，係咪任何地方都總有呢種舊既過氣既就會被淘汰，被新的取代？
如果只單純係世道既自然現象，旁人亦甚麼也做不到的話，那...
講多也沒用，襯下次搵個機會去浸...