7以下喇！

講真，唔想D yen咁平
多左勁多無離la gan既友同我爭機票去到周圍都又廣東話又國語囉

而且yen 平定貴，要洗既錢都一樣咁多← (這是重點)
又唔會因為yen 平駛多D，亦唔會因為貴就駛少D←
要駛既就要駛，要買既就要買...

独り言

我諗我寫野真係好撩交打囉...

日能

雖然話我寫這個題目好似有點那個 (日文裏面都有架，アレ)，大概會俾人覺得我撩交鬧，但係都真係想寫下....
就係某能力試N1...話說果日上堂講起，班上大部分人唔係唔敢考 (!) 就係考極都肥 (!!)，聽到之後真係Σ(っﾟДﾟ；)っ
嘩大大話話學左日文咁多年...仲要係公認最正宗 (?)既學校出黎都搞成咁...真係呢 (事實上係我覺得我同呢D人一齊上堂好失禮)，連老師有時懶講下日文笑話都聽唔明 ε=(･д･｀*)ﾊｧ…
當然，我諗無論係咩學校學，「淨係」靠上堂一定考唔到 (你又唔係上日能N1對策班，上緊普通日文堂之嘛，又無寫包單內容一定同個試有關)。但係學左咁耐，唔多唔少自己都得閒會上下日文網，聽下日文咁掛...咁當然，你考咩試都好，書都要溫下，past paper (雖然係舊野)都要做下掛，連D咁低限度既努力都唔付出，除非你真係天才，但天才完全唔掂其他野齋靠上堂一樣唔得囉... (因為個範圍咁大，上堂又唔係教果D)。更何況年紀有返咁上下，學語文無以前咁易。
講真，唔少人都諗住打天才波走入去考...本身日文又唔係好，平時又唔係睇得明聽得明，學左幾年咁就諗住去考，都真係發緊夢。雖則我仍然覺得讀解同聽解唔算好難，但以果D人既水平，跌唔落19以下都偷笑...
其實而家N1，文法同語彙放埋一齊，再加聆聽同讀解，真係有得鋤既都只係文法同語彙呢部分 (即係成分卷三分之一)，至於聆聽讀解，呢D要浸既亦唔係話你一朝一夕就可以考得好好....但係呢，亦正因為呢D係無得溫既實用系技能，反而要平時睇多D聽多D (即係咁，日劇係唔計既)，文型生字又唔係舊制做晒past paper實識，果D就順其自然 (我又要講我想話我自己溫晒本N1 詞彙但到最後，果 part 一樣唔識，其實果D N1大陸書都係時候要換新版，而家N1 D字難咁多)，反而真係自己睇多D聽多D先最實際...
所以話事實上你平時有睇開書有聽開收音機 (真係要去明果D啦)，唔駛特登鋤文法語彙都合格到 (前題係你果 part 唔好跌落合格線既19以下)。至於平時碰都唔碰既呢，算啦，你俾幾舊水食餐好既唔好side埋D無謂錢年年挑戰好喇。
又有人話，「我睇完聽完都唔明喎！」哦，咁第一次睇唔明都好正常，睇多幾次聽多幾次囉。我都話我一開始睇小說果陣，純粹係因為果本野得一個人自己譯，慢到不如自己睇原文...雖則果本對果時既我黎講係超高難度 (又厚人物又多講既野又複雜又講歷史又西又日)，咁你堅持落去 (係無得唔堅持，但如果有公司肯做晨早出晒中文版我就未必堅持了)，咁樣而家出左咁多本，但係中文仍然係譯得超慢，真係自己學仲快...收音機又係，邊有人咁得閒幫你譯埋(有得聽都偷笑)，咁你要聽你緊係自己努力啦...
學日文，唔係淨係為左考個試囉。相反，係你為左要達成某D目標不斷努力，個試只係中途証明你達到某程度既證明，咁會唔會易D？ 

小說

啊，終於睇完

係左邊果本。

雖然睇得比想像中耐，但真係唔錯

如果當年D歷史書有寫到咁有趣我實好高分....

講開又講

小說，上手下手唔評論，但容唔容易睇真係好緊要

大佬有D真係睇極都唔想睇，但好似呢本永遠の０睇得相對地快 (以一個咁沉重既題材黎講)

呢個好明顯係作者問題，好似我近來想買既jeffrey archer...download左sample 望，睇得勁快，果陣lord of the rings 就真係苦痛既回憶...寫「史詩式巨著」都可以分到好睇同好難睇.....

右邊果本？其實都唔駛睇好耐 (已經睇左大半)，不過重有唔知幾多本等緊....

買物

我又黎寫呢樣野
就係有野係俾錢都買唔到

其實都arm唔晒，因為出面的確有人放
不過價錢離晒大譜
從正途又已經買唔到既時候
咁係硬食定仲係話「有錢都買唔到」呢？

啊，我都唔知
係商売上，當然係以果個價格既人全部都買到既生產最合適 (其實係經濟)
而家係有價無市
生產不足
買賣相方都只係蝕本
日本人鐘意講「難民」
買唔到某某限定版就係乜乜難民
諗落又唔係唔arm...

啊...啊...
算，呢排叫有少少好消息衝淡下

目標

如果要講學日文既最終目標，而家肯定係仍然未夠
唉，仲要繼續努力
鬼唔想開口就似native，聽又全部聽到晒咩
我而家又無咁既野心
新聞果D係弱，講真果D地名，真係睇字同聽係兩回事
咁我又唔係要咩果D，是但啦，唔識就算  (係架，到而家聽新聞都仲係好弱)
咁我想聽既野聽得明就得啦
但係重點係未明得晒，所以真係要講句「繼續努力」
唔...

用字

身為中文人，由細到大睇中文學中文字，到而家學日文見到一樣係「中文字」(嚴格黎講其實唔同啦)但用法又唔同，個感覺係奇怪，有時候仲未習慣

例如係中文裏面比較俗既動作，用日文漢字，雖然意思一樣，但感覺會完全唔同
好似頭髮，總係要叫髪の毛
剪指甲係，手の爪（？）切れ
唔駛問，腳甲就係足の爪 (雖然感覺上似動物...)
刷牙 -> 歯を磨く

有時睇唔慣睇返，會覺得日文中用漢字既排列方法更有美感 (?)

火滾

真係火都滾囉
你唔識就唔好譯啦大佬
搞到我要執餐懵既
係，呢D小眾野係要靠D有志自己做
但都唔係唔識既無啦啦走去亂黎掛
翻譯呢家野，我都唔求你用字優美文字簡潔
最基本都要意思正確掛
大佬，乜乜ず全部譯晒做+ve...呢D咁簡單既文形都唔識既素人真係唔該晒

不嬲都話我唔想譯歌詞，因為我覺得自己中文唔好
唔可以好精準地用最優美既字表達到佢原本既意思
唔同譯一篇實用文章，講個意思容易D
但點解有人咁唔知醜求其又走去譯
識幾粒字就唔好亂搞啦，文形識幾多個呀大佬
你唔怕失禮街坊自己收埋就算
拎出黎錯晒既咁點呢

同埋另一樣野係歌詞無頭無尾
好多時省略左個主語
但睇佢用咩動詞就知係講邊個
好似たい基本上一定係講自己想做咩...
呢D學耐D都唔會錯啦啊嘛

結論係我仲係好火滾...

やった！

尋日值得紀念
一係我終於收到想買好耐既書
仲要係全新
之前D中古價位去到5000 yen 以上....
明明話係翻印都唔見有得賣既？
打開呢本望下，又真係今年新版喎
話翻印，翻到周圍都無架
記念すべき
うん

小說

近來間唔中買下日文小說 (頻率用日文形容係ちょこちょこ)。新書版一般唔買，只會等文庫，有咪睇無就等咁囉。
下町ロケット

(要留意個作者姓池井戸而唔係池井...)

上次去日本時佢出左文庫版無耐，本來我對佢既書無乜興趣 (半沢直樹我都無睇)，不過見吹得咁行，個題材又好似幾有趣咁就買啦，結果又真係唔錯喎...雖然有D位會覺得個故事走向有D不合理...

想當年日劇紅透既原因都係因為故事緊湊製作認真，拍賽車就真係賽車，拍意大利餐廳廚師就真係圍繞果度黎講，唔似得tbb掛羊頭賣狗肉，拍咩題材到最後都係愛情片...又唔似得近年既日劇咁，拍咩出黎連最基本既邏輯都唔arm....

所以睇日文小說都可以睇到好唔同既內容之餘人地做資料搜集又認真，又學到好多野...你睇香港小說有無咁多種類？全部都係愛情小說 ()

青春系小說亦好多，好似：

(因為Kindle特價先買)

(係某年本屋大賞既第一)

係邊度睇到佢係四大青春系小說之一

講食既：

唔知點解會被歸類為ミステリー.

唔....